tx:Annales Rodenses/1126 LT

Onderstaande tekst is een onderdeel uit de Annales Rodenses. Maak gebruik van het menu om andere delen van dit jaarboek van Rolduc te lezen. Het bewerken van de tekst leidt ertoe dat de oorspronkelijke tekst terug wordt gezet.
Algemeen Handschrift Datering Analist Toelichtingen Restant Voetnoten	Nederlands Inleiding 1104 1105 1106 1108 1109 1110 1111 1112 1113 1114 1115 1116 1117 1118 1119 1120 1121 1122 1123 1124 1125 1126 1127 1128 1129 1130 1131 1132 1133 1134 1135 1136 1137 1138 1139 1140 1141 1142 1143 1144 1145 1146 1147 1148 1149 1150 1151 1152 1153 1154 1155 1156 1157	Latijn Inleiding 1104 1105 1106 1108 1109 1110 1111 1112 1113 1114 1115 1116 1117 1118 1119 1120 1121 1122 1123 1124 1125 1126 1127 1128 1129 1130 1131 1132 1133 1134 1135 1136 1137 1138 1139 1140 1141 1142 1143 1144 1145 1146 1147 1148 1149 1150 1151 1152 1153 1154 1155 1156 1157

Anno Dominice incarnationis MCXXVIo dedit Winricus de Monte Sancte Walburgis, qui etiam ministerialis fuit Adolphi comitis, ecclesie vineam de proprietate sua, que aput Trevenstorph est sita. Winricus obiit VIII kalendas martii.

Crescente interea sororum numero, que in hoc loco professionis voto sunt insignite, crevit etiam inde murmurium in congregatione, quod ulterius hic pre multitudine non possent habitare, construxit eis Borno claustrum in cimiterio parrochiane Rodensis ecclesie, in aquilonari illius latere, dispositum tali scemate ut ipse suum ministerium celebrarent in superiori turris testudine, inferior pars pateret plebi parrochiane. Ubi parate cum essent officine, que eis erant oportune, transtulit eas illuc sequestratas rerum et victualitatis dispensatione. Huc usque enim procurate sunt ex communi promptuario ecclesie operantes et ipse similiter opus commune; nunc vero discrete ab ecclesia ceperunt de suo singulariter vivere operantes ulterius et ipse opus sibi singulare. Ecclesia namque illa est eis concessa cum omni possessione sua et curtis, que Crumbach est appellata, et decime, que ex iure huius ecclesie erant ultra Anstelam colligende, id est in aquilonari huius fluvii latere. His diebus ceperunt sorores psallere et canonicas diei horas decantare.

Quibus ita peractis et unoquoque in suo ordine - prout decuit - ambulante visa est ecclesia produxisse magnum ex se fructum concordie, donec Borno cepit cogitare si forte posset instituta et consuetudines ecclesie professionis sue huic, id est Rodensi, informare, ut in agendis rebus et divinis concentibus unum agentes, unum sentientes, unum vellent esse. Sed quia instituta illius ecclesie conatus est huic - si posset - introducere et non huius illi resignare, responderunt seniores, quibus et visum est quod ei fuissent despectiores, se non posse nec debere observantiam professionis sue quasi prevaricandi ausu derelinquere neque temere alios ecclesie mores sibi usurpare. Qua de re convenire cum non possent per se accersitis Borno ad se quasi agnitionis tenore fratribus aliquot sue et Steinveldensis ecclesie pro tempore secum commanere ut, cum ipse minor esset numero coram adversa multitudine, illorum fretus societate ad propositum intentionis sue confidentius posset procedere; unde cepit inter eos paulatim fomentum oriri discordie.