tx:Annales Rodenses/1130 LT

Onderstaande tekst is een onderdeel uit de Annales Rodenses. Maak gebruik van het menu om andere delen van dit jaarboek van Rolduc te lezen. Het bewerken van de tekst leidt ertoe dat de oorspronkelijke tekst terug wordt gezet.
Algemeen Handschrift Datering Analist Toelichtingen Restant Voetnoten	Nederlands Inleiding 1104 1105 1106 1108 1109 1110 1111 1112 1113 1114 1115 1116 1117 1118 1119 1120 1121 1122 1123 1124 1125 1126 1127 1128 1129 1130 1131 1132 1133 1134 1135 1136 1137 1138 1139 1140 1141 1142 1143 1144 1145 1146 1147 1148 1149 1150 1151 1152 1153 1154 1155 1156 1157	Latijn Inleiding 1104 1105 1106 1108 1109 1110 1111 1112 1113 1114 1115 1116 1117 1118 1119 1120 1121 1122 1123 1124 1125 1126 1127 1128 1129 1130 1131 1132 1133 1134 1135 1136 1137 1138 1139 1140 1141 1142 1143 1144 1145 1146 1147 1148 1149 1150 1151 1152 1153 1154 1155 1156 1157

Anno Dominice incarnationis MCXXXo accepta oportunitate vicissitudinis sue Fridericus, huius ecclesie prepositus, exaltavit sacrarium et obduxit virtigine lapidum, sicut a fundo constat informatum, voluntatem habens construendi monasterium dum facultatis mereretur successum, sine qua nullum opus sit perfectum. Nichil enim adhuc constructum erat de monasterio sed tantummodo exaltatus a solo pro altitudine hominis stature fuit murus; unde in cripta ad psallendum confluxit conventus, ubi etiam ad audiendum convenit laicalis populus. Nam recedente hinc fundatore huius ecclesie respersus est locus tanta infelicitate, ut hactenus non sit exaltatus ulla templi constructione.

His diebus dedit ecclesie mansum terre et dimidium Reinwidis188, matrona nobilis de Ruregemunde, facta altari - ut mos est - traditione et ingressa locum suscipiens habitum inclusa est iuxta sanctuarium, in dextro sanctuarii latere versus meridianum. Sed quia femina non potest sola sine feminis habitare, necesse duxit sibi feminas ministrare; unde sunt exorte fratribus creberrime conturbationes et molestie. Qua ex re defuncta Reinwide non permissa est ibi amplius includi aliqua vel habitare. Terra hec sita est aput Holtzheim iuxta Mersene et solvit undecim solidos puplice istius monete. Obiit soror Reinwidis IIII idus martii mensis. Eodem anno obiit Honorius papa, cui successit Innocentius.